ප්‍රංශ බලධාරීන්ට අනුව, අඟහරුවාදා පැරිස් හෝටලයක් ඉදිරිපිට මියගොස් සිටියදී ප්‍රංශයේ දකුණු අප්‍රිකානු තානාපතිවරයාගේ මරණය සියදිවි නසා ගැනීමක් විය හැකි බවට පොලිසිය විශ්වාස කරන බව විදෙස් මාධ්‍ය වාර්ථා කරයි.

ප්‍රංශයේ නීතිපති ලෝරේ බෙකුවා ප්‍රකාශයක් නිකුත් කරමින් කියා සිටියේ, තානාපති න්කොසිනාති එමානුවෙල් ම්තෙත්වා ප්‍රංශ අගනුවර බටහිර මායිමේ හයට් රීජන්සි හෝටලයේ 22 වන මහලේ කාමරයක් වෙන්කරවාගෙන ඇති බවයි. කාමරයේ ජනේලය එම ස්ථානයේ තබා තිබූ කතුරකින් බලහත්කාරයෙන් විවෘත කර ඇති අතර, පෙ.ව. 11 ට ටික වේලාවකට පසු ආරක්ෂක නිලධාරියෙකු විසින් ම්තෙත්වා මහතාගේ සිරුර හෝටලයේ මළුවේදී සොයා ගත් බව බෙකුවා පැවසුහ.

සඳුදා සවස ම්තෙත්වා මහතාගේ බිරිඳ ඔහු අතුරුදහන් වී ඇති බවට පොලිසියට වාර්තා කළේ ඔහු ඇයට පණිවිඩයක් එවීමෙන් පසුව “ඔහු ඇයට සමාව අයැද ඔහුගේ ජීවිතය අවසන් කිරීමේ අදහස ප්‍රකාශ කළ” බවයි. සිද්ධිය වූ ස්ථානයේ අරගලයක කිසිදු සලකුණක් හෝ මත්ද්‍රව්‍ය හෝ ඖෂධ සම්බන්ධ වී ඇති බවට කිසිදු සාක්ෂියක් විමර්ශකයින්ට හමු නොවූ බව බෙකුවෝ සිය ප්‍රකාශයේ සඳහන් කර ඇත.