2025 අ.පො.ස. උසස් පෙළ විභාගය නොවැම්බර් 10 සිට දෙසැම්බර් 5 දක්වා දිවයින පුරා විභාග මධ්‍යස්ථාන 2,362 කදී පැවැත්වීමට නියමිත අතර අ.පො.ස. උසස් පෙළ විභාගයට අදාළ සියලුම උපකාරක පන්ති, සම්මන්ත්‍රණ සහ වැඩමුළු නොවැම්බර් 4 වන දින මධ්‍යම රාත්‍රියේ සිට විභාග කාලය අවසන් වන තෙක් තහනම් බවත් මෙම නියෝගය උල්ලංඝනය කරන පුද්ගලයින් හෝ ආයතන විභාග පනත යටතේ වැරදිකරුවන් ලෙස සලකනු ලබන බවත් විභාග දෙපාර්තමේන්තුව නිවේදනය කළේය.

උසස් පෙළ අපේක්ෂකයින් සඳහා විශේෂ දේශන, සම්මන්ත්‍රණ හෝ වැඩමුළු පැවැත්වීම, ආදර්ශ ප්‍රශ්න පත්‍ර මුද්‍රණය කිරීම හෝ බෙදා හැරීම සහ පෝස්ටර්, බැනර්, පත්‍රිකා හෝ විද්‍යුත් හෝ මුද්‍රිත මාධ්‍ය හරහා අන්තර්ගතයන් ඇතුළු ඕනෑම ප්‍රවර්ධන ද්‍රව්‍ය ප්‍රකාශයට පත් කිරීම මෙම කාලය තුළ දැඩි ලෙස තහනම් කරන බව දෙපාර්තමේන්තුව ප්‍රකාශ කළේය.