කල් ඉකුත් වූ ජෙලි, මෙන්තෝල් සහ බිස්කට් විකිණීම සම්බන්ධයෙන් වරද පිළිගත් ප්‍රමුඛ පෙළේ සුපිරි වෙළඳසැල් ජාලයක ශාඛා තුනකට අලුත්කඩේ මහේස්ත්‍රාත් අධිකරණය රුපියල් 600,000 ක මුළු දඩයක් නියම කර තිබේ.

එලෙස කල් ඉකුත්වූ ආහාර විකිනීම සම්බන්ධයෙන් පාරිභෝගික කටයුතු අධිකාරිය විසින් ගොනු කරන ලද වෙනම නඩු තුනකදී සෑම ශාඛාවකටම රුපියල් 200,000 ක දඩයක් නියම කරන ලදී. පාරිභෝගික අයිතිවාසිකම් ආරක්ෂා කිරීම සහ ආහාර සුරක්ෂිතතාව සහතික කිරීම අරමුණු කරගත් නිතිපතා පරීක්ෂා කිරීම්වලින් පසුව මෙම නඩු ගොනු කර ඇති බව ඒම අධිකාරිය පැවසීය.