කොළඹ හැව්ලොක් සිටි නිවාස සංකීර්ණයේ සුඛෝපභෝගී මහල් නිවාසයකින් සැක සහිත T56 ප්‍රහාරක රයිෆලයක් බවට විශ්වාස කරන අවියක් සොයා ගත් බව පොලිසිය පවසයි.

වයස අවුරුදු 67 ක කාන්තාවක් තම වාහනයට සැක සහිත පෙනුමක් ඇති බෑගයක් තබනු නිලධාරියකු ලබාදුන් දැණුවත් කිරීමක් අනුව වැල්ලවත්ත පොලිසිය එම පරිශ්‍රය සෝදිසි කළේය.

අදාල කාන්තාවගේ මෝටර් රථයේ පිටුපස අසුනේ තිබූ බෑගයක් තුළ රන් ආලේපිත අවියක් නිලධාරීන් විසින් සොයා ගන්නා ලදී. මෙම අවිය T56 අවියක් බවට විශ්වාස කරන අතර පොලිසිය තවමත් එහි සත්‍යතාව තහවුරු කර නොමැත.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා ප්‍රකාශ කළේ ගිනි අවිය අව්‍යාජද යන්න තීරණය කිරීමට සහ එය පදිංචිකරු සන්තකයේ ඇති ආකාරය තහවුරු කර ගැනීමට පරීක්ෂණ ආරම්භ කර ඇති බවයි.