හෝමාගම පොලිසිය විසින් අද උදෑසන කටුවන මාර්ගයේ පඳුරු සහිත කැලෑවක දමා ගොස් තිබූ ගෙල සිරකර මරා දැමූ පිරිමි මළ සිරුරක් සොයා ගන්නා ලදී.

ලැබුණු තොරතුරක් මත ක්‍රියාත්මක වූ පොලිසිය එම ස්ථානයට පැමිණ පිරිමි මළ සිරුරක් සොයා ගත්තේය. මූලික පරීක්ෂණවලින් හෙළි වී ඇත්තේ වින්දිතයාගේ හිසට මොට ආයුධයකින් පහර දී ගෙල සිර කර ඇති බවයි.

මියගිය පුද්ගලයා කොටහේන ජින්තුපිටියේ පදිංචි 31 හැවිරිදි අයෙකු ලෙස හඳුනාගෙන ඇති බව පොලිස් මාධ්‍ය ප්‍රකාශකවරයා පැවසීය.

දේහය හෝමාගම රෝහලේ මෘත ශරීරාගාරයේ තබා ඇති අතර වැඩිදුර පරීක්ෂණ සිදුවෙමින් පවතී.


- Daily Mirror