2025 ශ්‍රී ලංකා විශ්ව රූ රැජින ලෙස කිරුළු පලන් ලිහාෂා ලින්ඩ්සේ-වයිට්, ඔක්තෝබර් 19 වන ඉරිදා බැංකොක් කුලී රථයකදී අහම්බෙන් ඇගේ ඔටුන්න සහ ඇඳුම අමතකවී දමා ගොස් ඇත.

පතුම්වාන් දිස්ත්‍රික්කයේ සියම් සෙන්ටර් පොයින්ට් අසල කුලී රථයක ඔටුන්න සහ තද කොළ පැහැති ඇඳුමක් දමා ගොස් ඇති බව දැන ගැනීමෙන් පසු ලින්ඩ්සේ-වයිට් තායිලන්තයේ 1155 සංචාරක සේවා මධ්‍යස්ථානයට සිද්ධිය වාර්තා කළාය. ඒ අනුව ක්‍රියාත්මක වූ සංචාරක පොලිසිය පරිවර්තකයෙකු සහාය ඇතිව පතුම්වාන් පොලිස් ස්ථානයේ දී ඇයට සහාය විය.

සීසීටීවී දර්ශන බලධාරීන්ට කුලී රථය සහ එහි රියදුරු හඳුනා ගැනීමට උපකාරී වු බව වාර්ථා වේ. එහිදී හඳුණා ගත් තොරතුර අනුව ඇය ගමන්සි කරන ලද අතර කුලී රථ සමුපකාර කාර්යාලය සති අන්තයේ වසා දමා තිබූ බැවින්, නිලධාරීන් පසුදා රියදුරු සමඟ සම්බන්ධ විය.

රියදුරු අතුරුදහන් වූ භාණ්ඩ ඔක්තෝබර් 20 වන දින බැංකොක් දකුණු සංචාරක පොලිස් ස්ථානයට ආපසු ලබා දුන්නේය.

"තායිලන්තය සංචාරකයින් ගැන සැබවින්ම සැලකිලිමත් වන පොලිස් නිලධාරීන් සිටින ආරක්ෂිත රටකි," ලින්ඩ්සේ-වයිට් පැවසුවේ, ඇය තම ධනාත්මක අත්දැකීම් ගෝලීය වශයෙන් බෙදා ගැනීමට සැලසුම් කරන බවයි. 27 හැවිරිදි ඇය දැනට මිස් යුනිවර්ස් තරඟය සඳහා තායිලන්තයේ සිටී.