2022 ජනවාරි 1 වන දින සිට 2023 නොවැම්බර් 14 තම පියාගේ පෞද්ගලික ලේකම් ලෙස සේවය කළ හා දූෂණ විරෝධී පනත යටතේ අධිචෝදනා ගොනු කර ඇති, පාර්ලිමේන්තු මන්ත්‍රී කෙහෙළිය රඹුක්වැල්ලගේ පුත් රමිත් රඹුක්වැල්ල අද කොළඹ මහාධිකරණයෙන් පිටතදී මාධ්‍යවේදීන් දෙසට තම වම් අතේ මැද ඇඟිල්ල ඔසවමින් අසභ්‍ය අභිනයක් කරන ආකාරය දැක්වෙන වීඩියෝවක් සමඟ සමාජ මාධ්‍ය උණුසුම් වී තිබේ.

නීති විරෝධී වත්කම් රැස් කිරීමේ චෝදනා රඹුක්වැල්ලට එල්ල වී ඇති අතර, අල්ලස් හෝ දූෂණ චෝදනා විමර්ශන කොමිසම රුපියල් මිලියන 296 ඉක්මවන වත්කම් උපයූ ආකාරය පෙන්නීමට අපොහොසත් වූ බවට චෝදනා කරයි.