මහවැලි අධිකාරිය සතු ඉඩමක් සම්බන්ධයෙන් සිදු වූ බවට සැක කෙරෙන වන්දි වංචාවක් සම්බන්ධයෙන් අල්ලස් කොමිසම විසින් දැනට අධිකරණ අමාත්යාංශයේ අතිරේක ලේකම්වරිය ලෙස සේවය හා හිටපු වන්දි ගෙවීමේ කාර්යාලයේ හිටපු වැඩබලන අධ්යක්ෂ ජනරාල්වරිය අද උදෑසන අත්අඩංගුවට ගෙන තිබේ.
2022 ‘අරගලය’ විරෝධතාවයේදී හානි වූ මහවැලි අධිකාරියේ දේපළකට, වන්දි ගෙවීමේ ක්රියාවලියේදී හිටපු රාජ්ය අමාත්ය ශෂීන්ද්ර රාජපක්ෂ සමඟ කුමන්ත්රණය කළ බවට ඇයට චෝදනා එල්ල වී තිබේ.
ශෂීන්ද්ර රාජපක්ෂට එරෙහි අල්ලස් විමර්ශනයේ දෙවන සැකකරු ලෙස මෙම නිලධාරිනිය හඳුනාගෙන ඇත. වන්දි ගෙවීමේ කාර්යාලයේ හිටපු වැඩබලන අධ්යක්ෂ ජනරාල්වරිය ලෙස කටයුතු කළ කාලය තුළ, එම ක්රියාවලියේදී රාජ්ය දේපළ අනිසි ලෙස භාවිතා කරමින් වන්දි ගෙවීමක් අනුමත කරන ලෙස ඇය රජයේ නිලධාරීන්ට බලපෑම් කළ බවට චෝදනා එල්ල වේ.
ඇය අත්අඩංගුවට ගෙන ඇත්තේ හිටපු රාජ්ය අමාත්ය ශෂීන්ද්ර රාජපක්ෂට වංචාව සිදුකිරීම සඳහා ආධාර කිරීම හා අනුබල දීම සම්බන්ධව වන අතර ඇය අද කොළඹ ප්රධාන මහේස්ත්රාත්වරයා ඉදිරියේ ඉදිරිපත් කිරීමට නියමිතය.
යාවත්කාලීන පුවත් : වන්දි ගෙවීමේ කාර්යාලයේ හිටපු අධ්යක්ෂ ජනරාල් සහ අධිකරණ, බන්ධනාගාර කටයුතු සහ ආණ්ඩුක්රම ව්යවස්ථා ප්රතිසංස්කරණ අමාත්යාංශයේ වත්මන් අතිරේක ලේකම් සේපාලිකා සමන් කුමාරි අද ඇප මත මුදා හරින ලද බව වාර්ථා වේ. කොළඹ ප්රධාන මහේස්ත්රාත් අසංග එස්. බෝදරගම සැකකරුට රුපියල් මිලියන 1 බැගින් වූ ශරීර ඇප දෙකක් මත ඇප ලබා දී ඇත. සැකකරු වන්දි ගෙවීමේ කාර්යාලයට ඇතුළු නොවිය යුතු බවට ද මහේස්ත්රාත්වරයා නියෝග කළ අතර ඇයට කාර්යාලයට අදාළ කිසිදු රාජකාරියක් පවරා නොමැති බවට සහතික වන ලෙස අධිකරණ අමාත්යාංශයේ ලේකම්වරයාට නියෝග කළේය.
