අදාල ලිපි දෙකම මාධ්‍ය වෙත ඉදිරිපත් කරමින් වසන්ත මුදලිගේ පවසන්නේ, ඉලෙක්ට්‍රොනික ජාතික හැඳුනුම්පත් (e-NIC) ව්‍යාපෘතිය සඳහා කාර්මික ආකාරයේ විදුලි බෙදාහැරීමේ ඒකක 700 ක් සැපයීම සහ බෙදා හැරීම සඳහා වූ මතභේදාත්මක ටෙන්ඩරයක් රජය නිල වශයෙන් අවලංගු කර ඇති බවයි.

රාජ්‍ය අරමුදල් සහිත වැඩසටහනක් යටතේ රුපියල් 72,517 ක ඒකක මිල සාධාරණීකරණය කිරීම පිළිබඳව ප්‍රශ්ණ කරමින් ජනතා අරගල ව්‍යාපාරයේ ක්‍රියාකාරික මුදලිගේ විසින් හෙලිකල ආකාරයට, බ්‍රවුන්ස් ඉංජිනේරු සහ ඉදිකිරීම් (පුද්ගලික) සමාගමට රුපියල් මිලියන 50.7 ක කොන්ත්‍රාත්තුව ප්‍රදානය කිරීමේදී අක්‍රමිකතා සිදු වූ බවට චෝදනා කළේය.

මුදලිගේ ප්‍රකාශ කළේ ප්‍රසම්පාදන ක්‍රියාවලියේ විනිවිදභාවයක් නොමැති බවත්, චෝදනා එල්ල වූ විෂමාචාරය විමර්ශනය කිරීම වෙනුවට තොරතුරු හෙළි කරන්නන් අපකීර්තියට පත් කිරීමට බලධාරීන් උත්සාහ කරන බවටත්ය.

ජුනි 6 දිනැති ලිපියකින් බ්‍රවුන්ස් සමාගමට ටෙන්ඩරය ප්‍රදානය කිරීමට අමාත්‍යාංශයේ අභිප්‍රාය පෙන්නුම් කර ඇති අතර ජූලි 14 දිනැති ඊළඟ ලිපියෙන් අඳාල එකඟතාවය අවලංගු කිරීම තහවුරු කර ලංසු සුරැකුම්පත් බැංකුවට ආපසු ලබා දෙන බව සඳහන් ව ඇති බවත් ප්‍රකාශ කරන ලදි.