ඊශ්‍රායලය පවසන්නේ ජීවතුන් අතර සිටින ප්‍රාණ ඇපකරුවන් 20 දෙනාම හමාස් විසින් රතු කුරුස සංවිධානයට නිදහස් කර ඇති බවයි. දිවි ගලවා ගත් අවසන් ප්‍රාණ ඇපකරුවන් 13 දෙනා හමාස් විසින් නිදහස් කර ඇති අතර ඔවුන් ගාසා තීරයේ ඊශ්‍රායල හමුදා වෙත යමින් සිටිති.

ගාසා තීරයේ ඉතිරිව සිටින ප්‍රාණ ඇපකරුවන් 48 දෙනාගෙන් 20 දෙනෙකු පමනක් තවමත් ජීවතුන් අතර සිටින බව විශ්වාස කෙරේ.

හත් දෙනෙකුගෙන් යුත් පළමු කණ්ඩායමක් අද පෙර නිදහස් කරන ලද අතර ඔවුන් නැවත ඊශ්‍රායල භූමියට පැමිණ ඇති අතර මයගිය අනෙක් 28 දෙනාගේ දේහය පසුව මාරු කිරීමට අපේක්ෂා කෙරේ.

සජීවී වීඩියෝවේ දැක්වෙන්නේ ඉතිරි ප්‍රාණ ඇපකරුවන් රැගෙන යන රතු කුරුස රථ පහක රථ පෙළක් දකුණු ගාසා තීරයේ ඛාන් යුනිස් හැර යන ආකාරය සහ හමාස් නිලධාරීන් විසින් වට කර ඇති ආකාරයයි.

ජීවිතාන්තය දක්වා සිර දඬුවම් විඳිමින් සිටින සිරකරුවන් 250 දෙනෙකු සහ 2023 ඔක්තෝබර් 7 වන දින ඊශ්‍රායලයට එල්ල කළ ත්‍රස්ත ප්‍රහාරයෙන් පසු රඳවා සිටින පලස්තීන ජාතිකයින් 1,700 කට වැඩි පිරිසක් වෙනුවෙන් අද වන විට ප්‍රාණ ඇපකරුවන් නිදහස් කිරීමට හමාස් පොරොන්දු වී තිබුණි.

ගාසා සෞඛ්‍ය අමාත්‍යාංශයට අනුව, ඊශ්‍රායලය ගාසා තීරයට එල්ල කළ ප්‍රහාරයෙන් 67,000 කට වැඩි පිරිසක් මිය ගොස් ඇත. එම ප්‍රදේශයේ විශාල ප්‍රමාණයක් විනාශ වී ඇති අතර, උතුරු ගාසා තීරයේ කොටසක සාගතයක් ප්‍රකාශයට පත් කර ඇත.


- NBC News